IMAJEN no AKONTESIMENTU
Mai ita HAMUTUK ho AMP HAMETIN ita nia NASAUN.
BEM VINDO E OBRIGADO PELA VISITA!

segunda-feira, 9 de abril de 2018

FRETILIN HO NIA ALIADOS TRAIDORES DA PATRIA POST INDEPENDENÇIA


Fretilin nudar Movimentu Libertasaun Nasional nia komparasaun ho movimentu rai seluk:
  1. Frelimo - Frente de Libertasaun de Mozambique
  2. FSLN -Frente Sandinista Libertasaun Nasional Nicaragua
  3. FLN - Frente de Libertasaun Nasional Algeria
  4. TANU - Tanzanian African National Union
Iha politika kontemporania movimentu libertasaun sira, husi uluk kedas bainhira Fretilin luta ba ukun an ninia konseitu no karakter politika orijinal no orientasaun politika i idiolojia hanesan mos ho movimentu libertasaun nasional nebe maka temi iha leten.

Post independensia, ( restaurasaun independensia 2002 ) Fretilin uza ema tur iha posisaun estratejiku membru guvernu sira la refleta nia orijinalidade nudar nasionalista i revolusionariu maibe fiar ka konfiansa liu traidores da patria sira iha nivel desizaun importante nasaun nian.

Tuir mai ita hare no kunhese partido ho nia aliadu traidores sira mak ukun no goja naran sagradu mak ema rihun atus ba atus nia sakrifisiu:
  1. Mari Bim Amude Alkatiri PM 2002-2006, 2017-2018 nasionalista. Maun Djafar Alkatiri Ex embasador TL ba Malazya traidor da patria uluk liman ain Komamdo Resort Militer - KOREM Dili, Komando Operasional Keamanan Timor- Timur- KOOPSKAM. Alin Ahmad Alkatiri traidor lider Pemuda Pancasila.

  2. Estanislau Aleixo da Silva ex PM, ex Vise PM, atual ministru agrikultura nasionalista. Oan husi traidor da patria lider APODETI Luis Aleixo da Silva Bupati ba dala uluk Kabupatem Manatuto 1976-1984

  3. Jose Reis atual ministru adjuntu primeiru ministru, grande oportunista iha tinan 1989 bainhira nia maluk estudantes sira iha Bali - Jawa asina petisaun ba Sekretariu Jeral ONU Xavier Peres de Cueller husu referendum nia lakoi asina.

  4. Aisha Basarewa vise ministra financas 2002-2007 traidor da patria lider FPDK Kabupatem Dili

  5. Mariano Lopes da Cruz inspektur jeral du estado 2002-2007 integrasionista traidor da patria maun husi inimigu nomor 1 kontra ukun-an Francisco Lopes da Cruz

  6. Raul Muzaco vise ministru obras publika 2005-2007 oportunista i traidor Komanda grupo militar UDT sira halo golpe kontra povu maubere- Fretilin iha loron 11 Agustu 1975

  7. Aurelio Guterres ministru dos negosiu estranjeirus traidor iha tinan 1998-1999 ho nia maluk intelektual sira fo advise ba enviadu espesial / utusan khusus ONU Jamsheed Marker katak otonomi mak diak liu

  8. Valentim Ximenes ministru Estatal integrasionista traidor. Iha tinan 1995-1996 iha UNTIM bainhira estudantes sira halo manifestasaun nia fo informasaun ba intelijensia sira 

  9. Manuel Vong ministru Turismu traidor da patria iha tinan 1999 lidera Otonomia nia iha Kabupatem Manatuto

  10. Rui Gomes ministru Financas traidor da patria Ex pejabat BAPEDA TK I Timor-Timur iha fulan fevereiru 1992 ba ho delegasaun nivel alto Indonesia nian iha ONU - GENEVE lee estatmentu kontra vontade povu Timor ba ukun an
  11. Sebastiao Ximenes vise ministru justisa traidor lider BRTT
  12. Jose Anuno vise ministru estatal traidor lider Otonomi Kab. Oecusse
Movimentu libertasaun sira, FSLN iha nia guvernasaun lidera husi presidente Daniel Ortega, FRELIMO lidera husi presidente Samora Machel, TANU lidera husi Julius Nyerere i FLN lidera husi presidente Ahmed Ben Bella, ema sira tur iha guverno mesak nasionalista i revolusionariu tamba post independensia nudar fundasaun ba patria presiza ema ho moral i responsabilidade forte.

Konkluzaun:
  • Fretilin lidera husi Mari Alkatiri prefere ka hadomi liu ema traidores sira duke nia kompatriota no nasionalista sira
  • Fretilin nudar membro Sosialista Internasional uza naran Frente i Revolusionariu mas na realidade nudar partidu nakonu ho traidores- oportunista no nia aliadus sira.
Luciano- Romano
- Membro Departementu Informaçao e Segurança RENETIL 1989-1994 Bali- Jakarta
- Responsavel Departemento Agitaçao e Propaganda Politica RENETIL 1994-1996 Lisboa Portugal
- Chefe Representaçao Resistençia Timorense 1996-1999 Republica Irlanda e Cordenador RENETIL Irlanda e Reino- Unido
_______________________
https://www.facebook.com/permalink.php?story_fbid=2029881743896946&id=100006254205105

quinta-feira, 5 de abril de 2018

Figura QUEIMADO - para figur cacat iha Frente Diplomatica uluk

Figura QUEIMADO - para figur cacat iha Frente Diplomatica uluk mak ohin loron prepara lao hamutuk ho lider partido Fretilin sira hodi buka votos ba povo Maubere iha Elisaun Antesipada mai.

Abilio Araujo, iha nia tempo nudar estudante faculdade economia Universidade Nova Lisboa bainhira rejime Salazar monu iha abril 1974 sai porta voz ativa grupo nasionalista - revolucionario iha sociedade Timorense iha Portugal liu husi Casa Timor iha Lisboa. Nia companheiros da luta sira Antonio Carvarinho, Vicente Sahe, Borga da Costa, Helio Pina, Inacio Fonseca, Roque Rodrigues, Rosa Muki Bonaparte, Felicidade Lopes Li, Venancio Gomes da Silva, Oscar Faria Sanches, Fernando Teles Txhai no sira seluk. Abilio ho talento poeta e cantor quase domina actividades iha Portugal hamutuk ho nia esposa Guilhermina Araujo.

Abilio fila mai Timor iha meado 1974 ho nia grupo i sira ho visào revolucioario consegue influencia grupo Xavier no Nicolau Lobato hodi muda naran ASDT ba Fretilin. Ho razaun escola Abilio fila ho nia fen ba Portugal iha 1975 nia laran antes militar Indonesia mai invade ita nia rai.

Durante tempo barak Abilio Araujo asume cargo importante iha rai liur nudar Chefe Delegacào Externa Fretilin ho baze iha Lisboa halo nia ligasaun besik ba lider politiku Portugues nian.

Iha tinan 1991 bainhira masakre Santa Cruz acontese Abilio Araujo comesa muda nia politika i hamutuk ho embasador boneka Suharto Francisco Lopes da Cruz hetan apoiu financeira husi guverno Indonesia liu husi minstro Ali Alatas ho embasador Fanny Habibie iha Londres Reino Unido, halao sorumutu iha Inglaterra iha tinan 1993 hodi promove politika Indonesia nia iha Portugal, Eropa no rai seluk sobre aceitaçao Timor nia integracao ho Indonesia. Nunee iha Setembro 1993 liu husi Congresso Extraordinario Fretilin iha Portugal hasai- pecat- PERSONA NON GRATA Abilio husi cargo Chefe Delegaçao no mos membro CCF i nia esposa Guilhermina Araujo mos hasai husi membro CCF. Comesa husi nee Abilio sempre sai Front Line defende Integraçao iha Portugal no fatin seluk. Iha loron 5 maio tinan 1999 asina acordo iha Nova Yorke ONU entre ministro Ali- Alatas no ministro Jaime Gama sobre referendum Abilio Araujo ho nia grupo halo campanha ba OTONOMIA nia iha Portugal liu husi TV jornal no meios seluk. Iha loron 30 Agusto 1999 bainhira ami vota iha Lisboa Abilio CS sira hetan votos 17 ba OTONOMIA nia.

Rogerio Lobato ex oficiais militar tempo colonia Portugues lidera grupo militar nacionalista armada sira halo Contra Golpe- contra UDT iha fulan Agusto 1975 nia laran.

Falta loron 4 militar Indonesia atu mai invade Timor liu husi desizaun CCF eh Guverno Fretilin delega Rogerio hamutuk ho Alkatiri no Horta ba rai liur hodi buka apoiu ba TL nia luta.

Comesa tinan 1976 too 1985 Rogerio tempo barak liu hela iha Mozambique.

Iha tinan 1985 Rogerio involve TRAFICO DIAMANTE - NAUK OSAN MEAN iha Angola hetan kaer husi autoridades Angolano i liu husi Tribunal Luanda condena nia i hatama ba comarca ba tinan walu. Ho razaun solidaridade nunee iha tinan 1986 nia rohan Presidente Angolano Jose Eduardo Dos Santos fo INDULTO ba Rogerio ho syarat ka condiçào la bele sama tan rai Angola i tinan 1986 nia laran Rogerio hasai husi membro CCF. iha tinan 1988-1989 Rogerio halo ligaçao ho lider Movimento Independentista Aceh - GAM Sr Hassan Tirro halo contacto ho lider Libya Muamar Gadaffy i lori jovem Timor nain 13 husi Portugal ba aprende- treinamento- formaçao TERRORISTA iha Libya.

Husi tinan 1990 too 1999 loron referendum Rogerio Lobato iha Portugal halao nia vida nudar Timor oan iha ema nia rai i servisu nudar segurança ba Companhia privado (SATPAM) i actividades resistencia iha decada 90 nia nunca... nunca involve tan TOO UKUN AN.

Concluzaun :

Abililio Araujo husi nacionalista- revolucionario ba Integrasionsta- OTONOMISTA. GRANDE TRAIDOR DA PATRIA

Rogerio Lobato husi nacionalista- revolucionario ba NAUK OSAN MEAN- KOMARKA ba TREINAMENTO TERORISMO iha Libya mai aplica iha Timor bainhira nia asume cargo ministro Interior nia implementa hodi fahe kilat ba ema civil sira i Tribunal Dili condena tama comarca i hetan INDULTO husi Presidente Ramos Horta

Luciano Romano

- Membro Departemento Informaçào e Segurança RENETIL 1989-1994 Bali- Jakarta
- Responsavel Departemento Agitaçao e Propaganda Politica Renetil 1994-1996 Lisboa Portugal
- Chefe Representacao Resistencia Timorense 1996-1999 Republica Irlanda e Cordenador Renetil Irlanda- Reino Unido
____________________________
https://www.facebook.com/permalink.php?story_fbid=2027319750819812&id=100006254205105

terça-feira, 3 de abril de 2018

Karta Nakloke ba Nobel da Paz José Ramos Horta

Caro amigo/irmão,  hau kumprende ita nia pozisaun iha corrida "halai-taru" ba Eleisaun Antesipada nebe hakbesik mai dadauk ona  iha ita nia Rain Timor-Leste. Como ita rasik hatene, hau, Dalia Kiakilir hanesan mos sira seluk sempre hadomi ita nia obra majistral, sai exemplu inspirativu ho karisma Premiu Nobel ba Paz. Maibe, iha momentu ida ne'e ami sinti katak estatutu ne'e "lakon" ninia folin, pura e simplesmente, da'et ba ita nia deklarasaun hirak ikus-ikus nebe haklaken iha media, hatudu mos-mos ita nia pozisaun no interesse hali'is ba politico-partidario. Folin wain nebe ma'ak ami nudar povu hakarak no hein husi maun bo'ot ma'ak liafuan sira nebe fo mahun, paz no estabilidade, nakonu ho esperansa. Nune'e iha Eleisaun ne'e, ami bele exerce ami nia direitu civico ho tranquilidade.

Hanesan ita hotu asiste dadauk, temperatura Eleisaun Antesipada cada vez manas liu-tan, ate to'o iha pontu ida ita nia Primeiru Ministru VII Governu Jestaun Mari Alkatiri rasik laiha kontrolu ba ninia liafuan wainhira utiliza redes sosiais (facebook), ate hatudu falta de respeito ba lideres nasionais sira, nomeadamente Xanana Gusmão. Nune'e, de forma impulsiva, fomenta agitação entre cibernautas no lider partidarios sira seluk.

Karta nakloke ne'e hau desidi hakerek ho hanoin ba clima preocupante resultado husi publikasaun sira espalha iha redes sosiais. Nudar sidadaun, hau hare, hau rona, hau triste no preocupa tebes.

A situação é lastimavel.  De si exmo Senhor Premio Nobel da Paz que também considero um heroi, espero palavras de esperança uma gota de àgua para baixar a temperatura.

Hakuak metin amigo nebe'e hau sempre admira!

Mau-Buibere oan
Dalia Kiakilir
Oxford, 02 de Abril 2018

*Karta nakloke publika ohin 03 de Abril 2018 iha jornal Timor Post

domingo, 1 de abril de 2018

Sira dehan, "Xanana haki'ak koruptor", Dionisio ho Akara dehan "nonsense", no Dalia sublinha

Boa disposição na companhia
de Mericio Akara e Dionisio Babo Soares
Klima tropika Eleisaun Antesipada "cada vez mais excitante", halo ita mos "nakdedar" ka'an halo "propaganda" no hakilar "viva" ho lian a'as. Ida ne'e mak hau sente iha hau nia primeira prezensa "em ação" iha aktividade politika nebe AMP Oxford organiza. Privilegio ida ba hau, nudar estreante, rona no observa ho atensaun aula politica husi excelencia companheiro Dinisio Babo no belun Mericio Akara. Sirua mai lori-ho "ideias construtivos, objetivos no propostas aliansas" hodi lo'ok ba militante, simpatizante no bainaka sira iha "uma-fukun" AMP Oxford nian. Foi particularmente impressionante! 

Iha sorumutu "biti-bo'ot" ne'e hotu-hotu "futu-lia" metin, ida deit, hodi dehan "sim, AMP metin" hamutuk ho Maun Bo'ot Kay Rala Xanana, Maun Taur Matan Ruak no Belun Naimori Bukar. Lia-menon prinsipal ba konsolidasaun mos hato'o ho forma instrutivu tebes husi exelensia sira nia intervensaun. Tematika "Hamutuk Hametin Nasaun" hakloran metin ho slogan "Fiar An La'o ba Oin", "Hisik Kosar ba Moris Di'ak" no "Tane O Ema, Tane O Rai, Tane O Lisan". O evento foi considerado um sucesso e esclarecedor" kona ba programas no duvidas hirak nebe mak sirkula da'et ho "korrupsaun" no "governasaun tinan 10". 

Iha apontamento ida ne'e sei rezumu issue balun konaba korrupsaun (sani: sistema judisial) konfronta ho "uma-sorin" sira nia propaganda. Anexa ho "copy and paste" Xanana nia esforsus halo leis no hari instituisaun hodi hamate tiha ema sira ho karakter corruptos no criminal.

Iha intervensaun solene Dioniso Babo no Mericio Akara oportunamente fundamenta katak korrupsaun ne'e crime e nia konsekuensia hela-ba  ida-idak nia responsabilidade, individual la'os koletivu. 

Hanesan tenik Akara iha nia esplikasaun katak "Korrupsaun ne'e aktu individual. Se'e ma'ak hanoin komete krime ka na'ok aban bain rua sei hatan ba justisa, tamba ne'e ma'ak barak tama ona hotel Becora ho Gleno. Nune'e duni propaganda husi vizinhos sira dehan «AMP haki'ak korruptor» ne'e bosok".

Atu dehan ho forma seluk katak ita nia sistema judisial hahu'u fo-hakat kedas iha IV Governo Constitucional, iha era Xanana nian, no dadauk sistema montada la'o no funsiona hela no sei hamentin liu tan iha futuru.

Nudar Primeiro Ministro iha tempo neba, ho preokupasaun ba crime nebe'e ma'ak envolve ukun-na'in no "pejabat" sira, ho matenek, Xanana foti "medidas de prevenção", hari instituisoes sira hanesan KOMISAUN FUNSAUN PÚBLIKA, KOMISAUN ANTI KORUPSAUN, POLISIA CIENTIFICA INVESTIGASAUN KRIMINAL, INSPESAUN JERAL ESTADU, KOMISAUN APROVISIONAMENTU, ho Parametrus leis seluk ligadu ho prosesu Konstrusaun Estadu, inklui Lei Kodegu Prosesu Sivil no Penal, Lei Orsamentu no Jestaun Finansas Públika, Lei Seguransa Sosial, Leis Expropriasaun, Lei Kodigo Trabalhu no seluk-seluk tan. 

Iha tempo "consulta popular" ba Planu Estratejiku Dezenvolvimentu Nasional (PEDN) iha Bazartete, 10 Agustu 2010, Xanana Gusmao afirma nia commitment no vontade politika hodi satan hasoru no kaer "oportunistas corruptos" sira. Iha biban neba, Xanana promete no assume dehan: "Atu kombate korupsaun ne’ebé agora ema barak koalia, Estadu hahu monta dadaun sistema hodi harii dadaun Komisaun Funsaun Publika, Komisaun Anti Korupsaun no agora dadaun Governu liu hosi Ministeriu Justisa halo hela memorandum entendimentu ida ho Governu Portugal atu harii Polisia Investigasaun Kriminal, atu iha loron ida bele lori ema sira ne’ebe halo korupsaun ba kadeia".

Iha video share iha media sosial facebook hatudu prova ida-tan katak Xanana laiha tempo ba retorika, tamba atu kombate korupsaun la'os kolia deit, em jeito, para ema atu dehan katak ita mak defensor ba anti-korupsaun maibe la hatene atu  halo saida hodi promove "boa governasaun", exclusivamente, hodi prevene no "avante" hasoru KKN.

Parte ida nebe bele halo "ema balun" isin "katar" no alergico quando Xanana dehan iha video share: "Hau husu boot, ita hotu defende to'ok "Komissaun Anti Korupsaun", atu hare to'ok buat sira uluk-uluk, uluk-uluk sira ne'e hotu ita bo'ot sira simu husi nebe, ita bo'ot manan deit 200 dolar e hetan fali buat ida ne'eee? Tamba ne'e Komissaun Anti Korupsaun tenki la'o".



Xanana nia "contrato politico" fo-fuan barak ona, ou seja, rezultadu mak ita hare ema sira pratika KKN ka halo crime lubuk ida mak sulan tiha ona ba kadeia Becora no Gleno, balun antri daudauk no seluk sei iha hela prosesu investigasaun. 

Ho prosesu tomak relativa ba kazu korupsaun, de facto, hetan kritika wai'n husi sosiedade no fila-fila adversario sira uza nudar trunfo hodi doko governo (Xanana ho AMP tinan 10 nian). Topico ne'e mos sai argumento estrategico ba adversariu politiku sira hodi kehe-ahi propaganda iha vespera Eleisaun Antesipada. Sira dehan katak "resultado governasaun tinan 10 nian ma'ak korrupsaun", maibe, AMP dehan "lae, ne'e propaganda laiha fundamentu", tamba konsidera korrupsaun ne'e aktu indivual no prova ona katak governo Xanana ho serio monta sistema no halo leis hodi kaer no sulan "corruptores" no "criminosos" sira ba "gaiola". 

Ba ida ne'e, ita hotu konkorda katak Xanana la'os koalia deit, maibe halo no kumpri duni nia promesa.  Firme iha komitmentu, profesionalismu no responsabilidade. 

Iha media sosial hau simu lian-litik barak husi vizinhos sira konaba kazu korupsaun.  "Mana Dalia dehan to'ok Ministro husi Partido Fretilin nebe ma'ak oras ne'e dadauk tama ona iha BECORA?" 

Ba litika ne'e, hau hanoin katak sira "soe-lia" tamba iha sira nia "ignoransia", dala ruma, ho pensamento katak corruptor no criminoso sira ma'ak ema sujeito husi Partido CNRT deit, nune'e sira hakilar bebeik "Xanana mak haki'ak corruptor ka criminoso sira". Hau foti kazu Rogerio Lobato no Nelson Santos nian. Ida, infelizmente hau nia tio rasik tamba crime cometido, hanesan notisia iha jornal Esquerda hakerek ho titulu "Timor: Rogério Lobato condenado a 7 anos de cadeia". Rua, Nelson Santos envolvido iha krime korupsaun, hanesan publika iha blog "O EÇA" ho titulu "Nelson Santos sob investigação, sobrinho de Manuel Abrantes, suspeito de peculato". Sei iha seluk tan, maibe ne'e hela ba leitor sira nia t.p.c. 

Iha ne'e, ita koko kontra faktus maibe argumentu rasik laiha, sa-tan ita lamas tun-sa'e evidencias ho teoria oioin hodi sustenta dei't ita nia teimosia. Enfim, como diz um velho ditado "contra factos não há argumentos".

Privilejiu seluk nebe hau apresia tebes iha encontro AMP Oxford ho  aprezentasaun husi delegado AMP sira husi Bristol, Peterborough, Crewe, Scunthorpe, Bridgewater, nebe, ho forma exemplar afirma sira nia comitment no total apoio ba trio Xanana-Taur-Naimori hodi continua ho mega projeto PEDN design husi governu anterior iha tinan 10 mai ne'e. Konaba kritika "governo Xanana tinan 10 la halo buat ida", hakerek-na'in sei partilha iha biban tuir mai ho apontamentos balun.  

Fila hikas ba tema korupsaun, hau hakarak termina hodi dehan katak korupsaun ne'e kronika ida, nia sai obstakulu bo'ot ba dezenvovimentu nasional no  fenomeno ida ho consequensia negativa ba vida sosial no ekonomiku. Atitude ilícita KKN mos prejudicial ba  "estado de saude" ita nia rain nudar Estadu Direitu Demokrátiku. 

Sira dehan, "Xanana haki'ak koruptor", Dionisio ho Akara dehan "nonsense", no hau sublinha, "ema sira iha Becora no Gleno bele sai sasin ba Xanana nia politika no determinasaun hodi kombate KKN". Hau sadik leitor sira nia lojika "iha ne'e, se los mak haki'ak koruptor?".  Pista ida mak ne'e "Xanana halo leis, kria instituisaun no lulun ema lubun ida ba kadeia". Pista seluk hela ho pergunta "sera que vizinho sira mak haki'ak koruptor?" Eis a questão!

Atu hametin ideia hau fiar katak Timor-Leste sei supera dezafiu hirak nebe preocupante em prol ba Libertasaun Nasional.

Apontamentu ida ne'e rezultadu husi obeservasaun badak iha familia AMP nia magna encontro iha Oxford, England, nebe, hotu-hotu considera educativo no esclarecedor, ho ênfase crime korupsaun. 

Hau-ata, apresia no agradece fuan ho laran ba maun bo'ot rua, representante ofisial AMP, Dionisio Babo Soares (CNRT) no Mericio Akara (PLP), nia tempo hodi fahe informasaun no conhecimento "realpolitik" iha ita nia rain.

Obrigada mos ba leitores sira nia tempu sani hau nia apontamentus ne'e, hein katak sei iha tempu nafatin hodi visita hau nia portal www.kiakilir.blogspot.com, tamba hau sei hakerek kona ba "desenvolvimentu tinan 10" nebe'e vizinho sira dehan "la halo buat ida".

Mission accomplished!

Buibere-oan, Dalia Kiakilir
Oxford, 01 de Abril 2018

sábado, 24 de março de 2018

Sim, Ita TIMOR OAN moris iha Realidade diferente


Soe Lia 
Moris iha Realidade Diferente

Deputados sira -  Defende sira nia posisaun/kadeira
Aileba Ain Tanan sira - Defende saida mk sira sinti/hare

Sim, ita moris iha realidade diferente;
Ami Aileba Ain tanan la domina POLITIKA,
Ami Aileba Ain tanan beikten hatene dt ami nia Moris...

Sim, senhores deputados iha razaun duni... ita moris iha mundos diferentes, Tamba sa?

Ita han diferente,
Hatais diferente,
Sapatu diferente, dala ruma aintanan deit...
Hela fatin Diferente,
Ami terus tamba dala ruma laiha aihan
Ami terus tamba dala ruma ami nia uma a'at la hadia
Ami terus tamba ami nia moris mk hanesan ne'e duni...
Ami nia realidade mk diferente duni...

Tamba ne mak wainhira iha loron bain2 kdo ami susar deputados sira liu ho kareta vidro metan hare halo finji la liga, maibe wainhira iha vespera Kampanha, halo finji, obriga a'an mai koalia, hakuak... fo netik dolar 1 depois dehan.. keta haluha ba vota ba hadia imi nia moris...

POLITIKA NE'E É UMA MENTIRA NO MORIS NE'E REALIDADE DUNI

SIM ITA MORIS IHA REALIDADE  DIFERENTE DUNI senhores deputados iha sira nia argumento iha vespera Kampanha mk koalia, ami Aileba Ain Tanan Beikten se'e tilun rona deit...

Dalia Kiakilir
Oxford, 24 Marsu 2018