.
Subscribe to my channel Youtube.com/user/DaLiaMuzic
TAMA LIU MAI BAINAKA SIRA, BEM VINDO E OBRIGADA PELA VISITA!

terça-feira, 1 de maio de 2018

PREDISAUN BA DINAMIKA POLITIKA BA OIN

Keta hirus maluk sira, hau nian predisaun pesoal la reprezenta organizasaun ruma, ba dinamika politika karik sei akuntese fulan ida ka rua tuir mai. Predisaun ne'e hau halo bazeia ba fenomena sosial politika agora lao dadaun iha ita nian rai doben, inklui mos linguazen politika ne'ebé lider sira hasai ba publiku durante kampanye EA. Linguazen lider sira laos deit ka "tidak semata mata" liafuan mamuk maibé fó hela sinal ruma ba sira nian objetivu politika pesoal. Objetivu politika institusional ka organizasional, ne'ebé eskrita formalmente iha manual partidu,  hanesan konseitu normativu partidaria deit. Maibé atu hateten deit katak "driving force" dinamika politika iha objetivu ne'ebé la eskrita husi nian lider sira.

Maluk sira ne'ebé lee karik hau nian predisaun, se gosta karik fo simbolu gosta deit, se la gosta hau nian predisaun tau deit simbolu la gosta, maibé husu favor keta insulta. Tan ema ne'ebé insulta ema seluk, nian kualidade hanesan ema, sai questionable ka dipertanyakan. Tuir mai hau nian predisaun

Seraque PP ida ka koligasaun bele manan too Kadeira 43 iha PN?

Atu PP ida hetan kadeira too kadeira 43 iha PN atu asigura dois tersus reprezentasaun iha PN persiza esforsu maka'as, bele dehan hanesan misaun impossivel. Kadeira 43 equivalen ho mais 475 mil votantes tenki vota ba PP ida ou akumulasaun votus husi PP no nian aliadu sira, se wainhira partisipasaun iha EA atinji 100%. Ou mais 350 mil se partisipasaun EA atinji deit 75%. Maibé se karik iha milagre bele akuntese. Se atinji duni numeru Kadeira 43 iha PN, PP ho nian aliadu politiku potensial sira, bele ukun ho estavel tan iha forsa politika ne'ebé prefeitu. Maibé hare dinamika politika agora, hanesan difisil tebes ba PP ida atu hetan kadeira 43 iha PN, meski hamutuk ho nian aliadu sira mos, nafatin difisil atinji kadeira 43 iha PN.

Se AMP manan ho votus 50% + 1 bele ukun ga lae?

Bele ukun, maibé nafatin sei iha instabilidade politika, tan joga politika bele akuntese. PR bele veta programa Governu, uza razaun hanesan mos, PN vota kontra programa VII GC, tan ita hatene katak PR agora sei sai hanesan atual Presidenti PF. Ou bele mos razaun seluk PR utiliza atu veta. Wainhira situasaun ne'e mosu persiza forsa politiaka iha PN atu kontra PR nian veta politiku.

Ema balun koalia katak atu kontra veta PR, PN tenki prienche quorum 2/3. Se nune, PF ninian reprezentasaun iha PN  maka mantein ho kadeira 23 ka liu kadeira 23, signifika PF sei sai forsa politika signifikante atu ultrapasa sirkumtansia politika ne'e ou bele mos sai bareira politika iha PN. Se karik lapersiza dois tersus quorum iha PN hodi kontra veta PR, ne'e diak tebes ba AMP. Maibé se persiza quorum 2/3 entaun iha posibilidade ba EA daruak...

PF ho PD hamutuk manan ho 50%+1, bele ukun ga lae? Se ida ne'e maka akuntese duni, PF no PD iha força politika sufisiente atu governa too tinan 5 mai. Iha força politika sufisiente, tan hau fiar kata PR sei la veta programa Governu.

Predisaun seluk maka;

1) Partidu ou Aliansa politiku iha EA mai sei laiha ida maka manan to'o votus 475 mil ka 350 mil

2) AMP tenki iha apoiu politika ate 43 Kadeira iha PN atu garante ninian governasaun too rohan

3) PF aumenta tan deit kadeira 2 ka 3 iha PN sei sai bareira boot ba AMP, meski AMP manan maioria absoluta. Maibe ho numeru kadeira aumenta rua ga tolu deit iha PN, PF bele mos konvida PD no PP seluk hodi ukun, no importante mk akumulasaun numeru kadeira minimu 33 kadeira iha PN sufisiente ona atu ukun.

4) Se aplika quorum 2/3, se AMP ho deit 33-42 kadeira, sei difisil tebes atu ukun. Maibé se la aplika quorum 2/3, ne'e diak tebes ba AMP

5) Se aplika quorum 2/3 iha PN ba desizaun interese nasional sira, iha posibilidade boot ba fali EA dala ida tan. Ou iha posibilidade seluk PR bele entrega ba militar atu kaer governu. Hanesan mos iha nasaun seluk.

6) Se militar kaer governu, vantajen barak liu sei monu ba Katuas X no Katuas TMR, duke ba PF, tan sira rua mai husi militar. Maibé ho kombinasaun sira rua nian, makelar projeitu sira keta mehi, tan karater TMR la gosta tebes ho makelar projeitu sira. Iha vantajen no disvantejen. Ida ne'e iha ligasaun ho linguajen politika makaas uituan husi lider balun durante kampanye.

Ho predisaun ne'e hau bele dehan katak so iha opsaun 4 deit maka sei mosu tuir mai;

1) Fo ba Fretilin ukun ba tinan 5 mai, se atinji duni kadeira 33 iha PN ou
2) Fo ba AMP ukun, se la aplika quorum 2/3 ou aplika mos, importante PR labele veta programa governu; ou
3) Militar maka ukun, lahatene too bainhira ou
4) Elisaun Antisipada laiha rohan. EA laiha rohan sei hamosu krize pior liu ba nasaun no povu.

Ida ne'e maka predisaun ruma, se laran mos ba nasaun no povu ne'e, hau iha esperansa bo'ot ba lider sira atu labele iha tan hamosu EA. Opsaun tolu seluk ba hau laiha problema, importante hakmatek ba povu no nasaun. Povu la izisi buat ruma ba lider sira, sira persiza maka hamutuk atu lori nasaun ne'e ba oin. Esperensia hatudu ona katak lider ida mesak sei la halo buat ida. HAMUTUK ITA BELE

Abraço


Sem comentários:

Enviar um comentário

Publicação em destaque

"ÉS VIVA"

"És viva" A todas as mulheres Estás triste, Estás só Porque ninguém te fala Porque ninguém te liga Ninguém quer saber d...